Yahi hai bhavna swami

Hamare kasht mit jaayein nahin yeh bhavna swami
Darein na sankton se hum yehj hai bhavna swami

Hamara bhaar ghat jaaye nahin
Kisi par bhaar na ho hum yahi hai bhavna swami 

Fale aasha sabhi man ki nahin
Niraasha ho na apne se yahi hai bhavna swami 

Bade dhan sampada bhaari nahin
Rahe santosh thode main yahi hai bhavna swami 

Dukhon main saath de koi nahin
Bane saksham swayam hi hum yahi hai bhavna swami 

Dukhi hon dusht jan saare nahin
Sabhi durjan bane sajjan yahi hai bhavna swami 

Manoranjan hamaara ho nahin
Manomanjan hamaara ho yahi hai bhavna swami 

Rahe sukh shaanti jeevan main nahin
Na jeevan main asainyam ho yahi hai bhavna swami 

Fale fule nahin koi nahin
Sabhi par prem ho ur main yahi hai bhavna swami 

Dukhon main aapko dhyaayein nahin
Kabhi na aapko bhulein yahi hai bhavna swami